معرفش ليه
ماعرفش ليه صار مستحيل
الوصل بينا يا جميل
حتى الكلام ولا السلام
أصبح محال بينا وحرام
ايه غيرك بالشكل ده
ومين بقه خلاك كده
هو الغرام عطف وحنان
ولا الغرام هجر وهوان
أجمل زمان عشناه سوى
بالحب والشوق والهوى
بس الهوى راح واختفى
لما انتهى عهد الوفا
ليه بس تصدق قول عذول
دايما بيحسد حبنا
هيه الشرائع والأصول
بتقول نخالف قلبنا
اشمعنى بس قلبي أنا
فضل وفي رغم الضنا
واشمعنى بس حبي كمان
فضل متين رغم الهوان
بعد الخصام
بعد الخصام بعد العناد
عهد الغرام رجع وعاد
بعد الفراق بعد البعاد
عهد الوفاق رجع وساد
كل الزعل بينا مضى
بعد القبل راح وانقضى
حتى الألم حتى الجفا
بعد الندم راح واختفى
من غير كلام سامحتني
من غير ملام صالحتني
حتى الحنان ال-كان كبير
رجع كمان واكبر كتير
ورجعت لك ورجعت لي
وحلفت لك وحلفت لي
مهما العذول قال عننا
مش راح يفرق شملنا
يا عمّ ليه
يا عم ليه قلبك كده
مغرور وسايق في الدلال
هو الغرام بالشكل ده
هجر وخصام من غير وصال
يا عم قلبك في الغرام
قصده التسالي والكلام
مره القريب منك غريب
مره البعيد عنك حبيب
لو كنت صادق بالهوى
كان من زمان قلبي في أمان
لو كنت عاشق كان سوى
عشنا في غرام حب وحنان
يا عم لو حبك هلاك
عمري وحياة قلبي فداك
عشان انا مغرم هواك
مغرم جمالك وبهاك
متقولش
ما تقولش عن انسان حبيب
قبل الحبيب ما يصير نصيب
ياما القريب أصبح غريب
ياما الغريب أصبح قريب
يا عم مين يقدر يقول
في الحظ ايه هيه الأصول
برضه الغرام حظ ونصيب
يمكن يصيب يمكن يخيب
رغم الوعود في الحب صدود
رغم العهود في الحب جحود
بس العجيب جوه الفؤاد
وصل الحبيب هو المراد
مهما غدر مهما زعل
مهما هجر مهما تقل
ظلم الحبيب جه في المثل
ع القلب أحلى م العسل
عشان كده بهمسة عتاب
بعد البعاد بعد الغياب
بتعود لنا روح الشباب
من كل ناحيه وكل باب
لا تفكريني
لا تفكريني مليونير
ونا الحقيقه مديونير
والله الحقيقه الصريحه
هيه الطريقه المريحه
ما تغركيش الفتاكه
ولا الهدوم والشياكه
لا عندي ياخت وطياره
ولا يا حسره سياره
بخاف عليكي يا عيوني
من نار هوايا الجنوني
بخاف وبشتاق اليكي
رغم الشقاوه في عينيكي
بهاكي والله سحرني
ونور جمالك أسرني
بس الحكايه يا عمري
ما فضلش مطرح في صد ري
حبيت كتير تفاض بيه
ظلم الحبايب يا عينيه
عشق العيون ضيع قلبي
ضيع حياتي ومش ذ نبي
نفسي أعيش بقى خالي
مرتاح بفكري وخيالي
من غير حبيب يحايلني
أو يوم خياله يشاغلني
عندي سؤال
يا ناس يا هو عندي استفسار
يا ريت هنا حد يشرح لي
عشان أنا بقيت محتار
م اللي يوماتي بيحصل لي
ليه ان ضحك وحياني
وقال لي شيء له معاني
ضاع الكلام على لساني
ونسيت زماني ومكاني
يا الله يا هانم يا الله يا بيه
يا الله قولولي كل ده ليه
وانت هنا قول ما تخافش
وانت كمان ما بتعرفش
ليه ان لمس بالأيد شعري
حسيت بنار ماشيه في صدري
وان يوم همس وشم عطري
فضلت واقفه ونا بجري
ليه ان خطر زي النسمه
وقال لي بعنيه كام كلمه
رديت عليه بنظره وبسمه
ورحت ماشيه ونا هايمه
أما بقى لو عدى العصر
من غير ما هل وطل البدر
حسيت بشوق كبير كالبحر
وخوف شديد عليه من الشر
لا تغالي
يا حبيبا ساكنا قلبي وخيالي
ان تشأ صدي وهجري لا تغالي
كم طلبت اللطف مرات بحالي
بينما تقسو وحتى لا تبالي
كم دعوت الأمس قلبي للقاء
راجيا بدر الدجى طول البقاء
أمن المعقول أن تهوى شقائي
دون عذر غير قهري وابتلائي
يا حبيبي ان ترى خيرا بهجري
أطفىء النار التي ثارت في صدري
يا حبيبي ان سبرت اليوم صبري
لست أدري ان سيبقى حتى فجري
يا حبيبي ان تكابر قد تعاني
انني أدرى بكم تهوى حناني
كل صد وضياع وهوان
لن يعيد العمر للماضي ثواني
يا حبيبي في الهوى ما لي اراده
قد سلبت القلب أسباب السياده
يا حبيبي صار هذا البعد عاده
بعد أن كانت لنا كل السعاده
ع الظاهر
يا حبيبي الناس محتاره
بطبيعة قلبي وقلبك
انما ايه دخل الحاره
بحقيقة حبي وحبك
يا حبيبي دول حاسدينا
وشاغلينا ليل ويا نهار
ليه كده بس دول ظالمينا
وحنا جيران والجار للجار
يا حبيبي الناس بتحكم
كثيرا بس على الظاهر
وكثيرا بس بتفهم
حاجات ما جاتش ع الخاطر
ليه كده بس شاغلين بالكو
في غرامنا وسيرته أعوام
مش بقى خليكو في حالكو
دي حياتكو ظنون وأوهام
فين زمانك راح يا جيره
فين زمانك راح يا طيبه
غيرش نار الشك والغيره
اللي فاضله ونار الغيبه
إنسان بسيط
يا عم أنا انسان بسيط
ميغرنيش دهب ومال
لكن بجد انسان نشيط
عشان أعيش واكسب حلال
عشان كده محتاج لحد
طبعه بسيط زيي تمام
حتى السنين دون أي حد
بالشوق تعدي والغرام
يا عم أنا نفسي بحبيب
قلبه العطوف مليان حنان
ما قدرش احب انسان غريب
عني بطبيعته مهما كان
يا عم أنا ما رضاش غرام
مرهون بمال دهب وماس
أصل الغرام ود وانسجام
وبالأساس من غير مساس
دلوقتي بس
دلوقت بس بعد الفؤد
ما اعتاد عليك خنت الوداد
دلوقت بس بعد الهيام
ما اشتد ليك بعت الغرام
طب قلت ليه وياك هنا
حلقى السعاده والهنا
وحلفت ليه حنعيش سوى
من غير ملاوعه أو نوى
دلوقت بس حسيت بضيق
زي الغريق جوه الحريق
دلوقت بس خلى الغرور
قلبك ملان كبر ونفور
دلوقت بس ناوي الهرب
غاوي الغضب من غير سبب
دلوقت بس نفسك تكون
حر وطليق لو حتى اهون
خلاص نسيت أيام زمان
أيام أمان أيام حنان
خلاص بقيت عنك غريب
وانت الغرام وانت الحبيب
حسّك عينك
حسك عينك يوم تتنازل
عن وعودك أو تتجاهل
حسك عينك يوم تتخلى
عن عهودك أو تتسلى
حسك عينك يوم تنساني
أو تخدعني أو تسلاني
حسك عينك تنسى تجيني
قبل النار م الشوق تكويني
حسك عينك وحياة عينك
يدخل عاذل بيني وبينك
حسك عينك يوم نتفارق
أو نتباعد أو نتخانق
حسك عينك تشغل بالي
ولا تغير قلبي وحالي
حسك عينك يشمت فيه
أي كان في الدنيا ديه
حسك عينك قلبك يزعل
أو يتجنى مره ويتقل
ده انت القلب اللي بيحييني
وانت النور اللي بيهديني
هواك
هواك نصيبي في دنيتي
ملك فؤادي ومهجتي
هواك نعيمي وجنتي
سبب وجودي وبهجتي
شكرا حبيب قلبي الجميل
شكرا وشكري لك جزيل
والله أنا مهما أطيل
بالشكر لك لسه قليل
عشان هواك أصبح أمان
من المخاوف والهوان
عشان كمان أصبح ضمان
من الليالي والزمان
يا نور عيوني صار مثال
حبك وحسنك للجمال
حتى هواك أصبح مجال
للفكر والفن والخيال
يا نور عيوني للفؤاد
حبك وطن واغلى بلاد
هو المنى هو المراد
هو الهنا هو الوداد
الحظ
يا حظ قول لي انت ايه
صنع الخيال أو شيء أكيد
أيا تكون يا حظ ليه
دايما معايا وبس عنيد
يا حظ مين فتحت له
قلبك بفرحه عاش سعيد
ومين يا حظ قفلت له
قلبك بجرحه بات وحيد
يا حظ لما تكون جميل
ازاي بتختار بعضنا
وليه بقى دايما بخيل
مع الغلابه زيينا
يا حظ بص هو الفقير
مالوهش قلب عشان يحب
ولا الكبير عشان كبير
هو اللي وحده عنده قلب
يا حظ حس حتى التعيس
من حقه يفرح له بيوم
خليك بقى حلو ونيس
عشان عيونه يجيلها نوم
أفكار وامواج
يا نور عيوني في صدري
أفكار كتيره بتسري
وامواج كبيره بتجري
بسنين حياتي وعمري
أرجوك أعني وساعدني
ولا انت غاوي تعاندي
أرجوك تعال وواعدني
ولا انت ناوي تكايدني
أفكار بتسرح يا غالي
لايام سعيده بأمالي
وامواج بتسبح ليالي
لبلاد بعيده في خيالي
أفكار بتوصف غرامي
وليل سهادي وألامي
وامواج بتبعت سلامي
وعشق قلبي وهيامي
أفكار وأمواج حبيبي
بتقيد حنيني ولهيبي
لو بس قلبك داري بي
وبنار أنيني ونحيبي
طاير
جسمك هنا وقلبك بعيد
طاير مع الأحلام سعيد
جسمك هنا وفكرك شريد
هارب من الحب الأكيد
ما عرفش ليه أصبح بخيل
بالوصل قلبك يا جميل
ده الليل تقيل قاسي وطويل
والويل شديد والنوم قليل
بس اعمل ايه والروح فداك
ونا اشكي ليه وبعشق هواك
والله الحياه بعدك هلاك
مالهاش وجود الا بلقاك
عمال تدور عن حبيب
في بلاد بعيد عنها وغريب
عمال تفتش عن نصيب
وتفوت حبيب جمبك قريب
معرفش
معرفش ليه قلبك صبح
عنيد وقاسي دون سبب
ما عرفش ايه خلاه جرح
قلبي اللي أجمل حب وهب
صدقت ليه كدب العذول
من غير ما تسمع كلمتي
هيه الأصول يا بن الأصول
بتقول تدمر دنيتي
قلبك بقى دايما جميل
الا بقلبي بس غدر
صبرك كمان دايما طويل
الا بحبي يا قمر
مغرور قوي مغرور بحق
عشان بجد ما لكش زي
حتى القمر ما قالش لأ
لما اشتكى واحتاج لضي
النهارده
بس النهارده بعد ما
بقيت لوحدي سنين شريد
بس النهارده عندما
بنيت حياتي من جديد
بس النهارده جاي تقول
مشاق لحب أيام زمان
سكت ليه لما العذول
خلاك تسيبني للهوان
لما بكيت لك ما التقيت
منك ولا كلمة حنان
لما شكيت لك ما انتهيت
حتى بقيت من غير أمان
بص الغرام زي الزهور
محتاج لمين يتعب عليه
من غير رعايه أو شعور
ازاي يعيش ونحس بيه
رغم الحنين والشوق أنا
ما قدرش لك تاني أكون
بعد العذاب بعد الضنا
ما سمحش لك تاني تخون
يا حبيبي
يا حبيبي طال عذابي
وطال سهادي من فتورك
يا حبيبي ضاع شبابي
وضاع فؤادي من نفورك
يا حبيبي العمر بجري
وانت فاكره لسه بدري
دي السنين قبل الدقايق
راح تعدي وانت رايق
يا حبيبي زاد حنيني
وزاد أنيني من جحودك
يا حبيبي شوف جنوني
وشوف ظنوني من صدودك
يا حبيبي الحب نظره
لو ده كان فعلا حقيقي
والغرام ده بس لمره
راح يعدي في طريقي
أين
يا حبيبي الأصدقاء
أين كانوا ثم فلوا
يا حبيبي الأقرباء
أين كانوا ثم ولوا
قد تخلى القوم عنك
بعد كبو وانتكاس
قد تناسوا كيف منك
قد تدانوا بالتماس
ما تبقى كي يرد
اللوم عنك غير حبي
ما تصدى وتحدى
النيل منك غير قلبي
يا حبيبي في الحياة
نكاسات تتعدد
والحياة للممات
بالصراع تتجدد
فادن مني يا حبيبي
لا تخف أو تتردد
كل شوق أو لهيب
بالوصال يتبدد
يا عمّنا
يا عمنا لقصتي
محتاج لحل قوام قوام
عشان خلاص دي فرصتي
حتضيع وده والله حرام
يا عمنا قلبي عشق
انسان غريب عن حيينا
لكن حسب هالمتفق
لزما أحب حد زيينا
يا عمنا ده من زمان
والعرف والعاده هنا
بس القريب وابن المكان
هو اللي يتقدم لنا
يا عمنا ايه ذنبنا
لما الهوى فينا يميل
يا عمنا غير قلبنا
هل في الهوى لينا دليل
يا عمنا ليه بس نكون
للعرف والعاده عبيد
وازاي نعيش من غيرعيون
تعشق كما تهوى وتريد
يا حب عجيب
يا حب عجيب أمر الحبيب
دايما بعيد عني وغريب
بشتاق اليه وخاف عليه
بس بهواه ما لناش نصيب
يا حب لك على الأمير
قبل الفقير سلطان كبير
ياما سحرت ياما أسرت
اشمعنى بس قلبي الأسير
يرضيك أعيش في الكون وحيد
من غير حبيب لو من بعيد
يرضيك أسير دربي العسير
حيران حزين سرحان شريد
وازاي حبات من غير جليس
وازاي حنام من غير أنيس
ده الليل شجون يأس وظنون
طول ما الفؤاد جواه حبيس
انتظار
يا حبيبي بانتظارك
داب فؤادي وضاع شبابي
بس برضه باعتذارك
مش حتطفي نار عذابي
جد بوصلك حتى تصفو
من جديد أيام حياتي
جد بحبك حتى أعفو
وانسى أحزاني وآهاتي
يا حبيبي مش حتمسح
بالكلام وحده دموعي
مش حتشفي بل حتجرح
بالبعاد قلبي وضلوعي
يا حبيبي ازاي حداري
عن عيون الناس غرامي
ده المكان نور بناري
والزمان حس بألآمي
يا حبيبي ارحم حنيني
واشتياق قلبي لعيونك
ده الوجود كله بأنيني
ضج طول الليل بدونك
No comments:
Post a Comment