اعتراف
يا حبيبي لا تلومني بل أعني
قد كشفت السر قهرا غصب عني
لا تسلني أي شيء لا تدعني
عرضة للنيل من قلبي ومني
يا حبيبي ليس في الأشواق عار
لا ولا في الحب عيب وشنار
يا حبيبي ليس للخوف اعتبار
في الهوى أصلا ولا عنه اعتذار
يا حبيبي انت مثلي في الغرام
قد حرمنا الوصل حساد الأنام
هل من المعقول نسيان الهيام
في جدال مستديم وملام
يا حبيبي بالوئام والوداد
لن يغيب الحب يوما عن فؤادي
انما بالبعد عني والعناد
سوف يحظى الحاسدون بالمراد
يا حبيبي انت خلي ونديمي
مثلما انت جليسي في نعيمي
لا تدع رحماك ندي وغريمي
يحرم الأيام من خل حميم
دون جوان
يا دون جوان اسمع بقى
مش كل طير لحمه طري
هجر وجوى غدر وشقا
مش ده الهوى في تصوري
يا عم بص مليت غزل
مليان خداع وزيف كتير
مليت كمان من غير زعل
انسان لكبره صار أسير
يا عم شوف لك أي حد
يعشق عينيك بكلمتين
يا عم مين قال لك بجد
حنده عليك بغمزتين
يا عم لو شهد الكلام
ما قدرش أعشق أو أميل
ده الحب عندي والغرام
مش بالكلام لو كان جميل
في ناس
في ناس كتيره للأسف
حاسده البشر من غير سبب
حتى اللي بينا من شغف
صار يتحسد والله عجب
ياما انتشر عنا وكبر
وازداد كلام من حولنا
بس الكلام مهما كتر
عمره ما فرق شملنا
ما عرفش ليه عند البشر
نقل الخبر أصبح متاح
حتى ولو سبب ضرر
للبعض منا أو جراح
يا نور عيوني انسى الملام
وانسى الزعل وانسى العذاب
طول ما الغرام هو الغرام
مالناش ملام مالناش عتاب
اصبر حبيبي ع الحسود
واقرأ عليه سورة الفلق
مهما عمل مش راح يسود
مهما فتح ربك غلق
نار غرامك
يا حبيبي نار غرامك
في الحشا قايده وصدري
انما انوار هيامك
في الفضا ضاويه وعمري
يا حبيبي من حنانك
ابتديت أعشق حياتي
وابتديت بس في زمانك
استعيد حبي لذاتي
يا حبيبي صرت أعشق
بعد حبك كل وجودي
قبل حبك لو تصدق
كنت مداري بجمودي
بس لما النور هداني
للعيون الحلوه ديه
عاد وجودي وعاد كياني
من جديد حلو بعينيه
كن قويا
يا حبيبي كن قويا كن صبورا
ان غدا سر الهوى يوما جهورا لا تظن السر قد يبقى دهورا ان يدم شهرين أو حتى شهورا
أينما نمشي الهوينا أو نكون
حولنا همس وغمز وعيون
هل تشي الأطيار هل تحكي الغصون
أم ترى الأزهار عن حقد تخون
يا حبيبي لن تنل يوما سلاما
من عذول لم يذق يوما غراما
كيف تبغي اليوم حبا وهياما
من عذول يملأ الكون ملاما
يا حبيبي كل سر سوف ينقل
ان تعجل كشفه أو ان تأجل
من سيدري قد يكون الكشف أفضل
فالتلاقي قد يكون الآن أسهل
يا مقيما
يا مقيما في البصر كم أعاني في السفر
من حنيني المستعر كاللجين المنصهر
يا حبيبي كالوتر أو كضوء منكسر
صرت أبدو في السمر في البيادي والحضر
أين مني يا قدري وصل شوق للسحر
بين ورد أو شجر تحت نجم أو قمر
ما تبقى للنظر في الليالي والسهر
غير ماض مختصر في الهدايا والصور
ما لديا يا قمري من مرام أو وطر
غير لقياك العطر دون خوف أو حذر
فارو قلبي كالمطر في القريب المنتظر
فالوصال للبشر كالمياه للشجر
لسّه فاكر
لسه فاكر يا حبيبي
كل حاجه بالتفاصيل
حتى فاكر يا نصيبي
نار لهيبي في المراسيل
كان غرامك عشق عمري
عشق روحي وكل وجودي
كان هيامك جوه صدري
سر صبري وسر صمودي
لسه فاكر كل قعده
تحت أشجار الخمايل
برضه فاكر كل ورده
ع الجبين أو ع الجدايل
لسه فاكر كل رابيه
وكل قصة حب جميله
برضه فاكر كل ساقيه
وكل نسمة حب عليله
لسه فاكر كل غنوه
وكل كلمه وكل همسه
برضه فاكر كل نشوه
وكل بسمه وكل لمسه
لسه فاكر كل رحله
في المواني والصحاري
برضه فاكر كل جوله
في المداين والبراري
لسه فاكر كل ثانيه
عشتها وياك برقه
برضه فاكر كل ناحيه
رحتها وياك بجرأه
بس يا خساره يا حبي
كل شيء ضاع من ايديه
آه لو ترجع يا قلبي
كنت حفديها بعينيه
بعشق هواك
معقول كده ومن ده وده تصدق كلام
معقول كده ومع ده وده توصل ملام
لو يا قمر تنسى البشر واللي اتنشر
ده انت القدر خلاك قمر واحلى خبر
ليه بس تغيب وتسيب حبيب من غير حنان
ليه بس تقيد وتعود تزيد فيه الهوان
رغم البعاد رغم السهاد بالروح معاك
رغم الفتور رغم النفور بعشق هواك
مهما بكيت من طول جفاك عمري فداك
مهما شكيت من نار قساك عندي ملاك
ده انت الحبيب وانت النصيب وانت النديم
وانت الغرام وانت الهيام وانت النعيم
رجعت ليه
رجعت ليه بعد ما طال
سهد الجفون من صدودك
رجعت ليه بعد ما سال
دمع العيون من جحودك
رجعت ليه بعد الهجران
اللي الزمن راح باوتاده
رجعت ليه بعد الحرمان
اللي الفؤاد صار معتاده
نسيت عشانك ملامي
وسنين عذابي وهواني
نسيت سهادي وآلامي
ورجعت لك بحناني
قلت الحبيب ما دام جاني
بلا ش نقول ونعيد أسباب
بس الغريب طلع تاني
غشاش وخداع وكداب
رجعت ليه بس تحكي لي
عن الحنين اللي في قلبك
رجعت ليه بس تشكي لي
عن العذاب من نار حبك
رجعت ليه وانت ناوي
تبيع غرامي وودادي
رجعت ليه وانت غاوي
ضياع شبابي وفؤادي
قالت
قالت لي الحسناء مغرورة
هل قلت شعرا قبل ان أظهرا
قلت معاذ الله اذ لم يكن
لي دافع من قبل كي أنثرا
لكن قلبي منذ ان عدته
والشعر فيه فائض أنهرا
لم أدر ما ألقيت فاتنتي
حين اختلسنا بيننا النظرا
هل كان سحرا ما أصبت به
أم كان سهما منك قد صدرا
كم ليلة أمضيتها أرقا
للبدر أشكو اليأس والضجرا
ما مر بي طيف يشاطرني
سهدي الذي قد جاوز السحرا
حتى التقينا صدفة سنحت
فاهتز قلبي حينما انبهرا
ما كان وصف للورى يقنعني
حتى أنرت النجم والقمرا
يوم لنا جاد الزمان به
يا صاحبي ما أكرم القدرا
قد صرت من أهل الهوى عندما
شاهدت بدرا حسنه ندرا
في روضة ازهارها هللت
والجدول الصافي كذا كبرا
حب غزا قلبي فأهلا به
لن أشتكي حتى وان دمرا
ما أروع الحب وأغلاله
حذار ان تبلى وان تكسرا
أسر لعمري بت في قيده
منعما بالسعد مستبشرا
من لم يذق طعم الهوى لم يعش
لا عمر الا ما الهوى سطرا
ما الحب الا نعمة يا أخي
غيث يعم القلب كي ينضرا
فاعشق والا تحسبن كمن
قد فقد الأحساس والبصرا
ملاح
ملاح أنا والبحر ليه ودود
والموج بساط تحتي بقاله عقود
سواح أنا والبدر ليه صديق
والليل وشاح خمري بنجمه مضيء
ملاح سنين ويا النسيم والرياح
جوه السفين شفت النعيم والملاح
لا في يوم بكيت من نار فراق وبعاد
ولا اشتكيت من طول حنين وسهاد
حتى القدر من غير خبر خلى القمر
لما ظهر وسط البشر بالحب أمر
شفت الجمال شفت الدلال واالمنى
عشت الحنان عشت الأمان والهنا
قد الفضا قد السما والبحار
عشنا الهوى وحنا سوى ليل نهار زرنا المواني والقرى ع الجبال
لسه الخطاوي ع الثرى والرمال
بس الهوى طار في الهوا والمدى
لما الوصول حان والنزول ابتدا
كل الغرام تحت السما والشموع
راح واختفى لما انطفى م الدموع
حبي ليك
جايز أكون انسان بسيط
ما ملكش مال أو جاه وصيت
بس الهوى عندي كبير
قد المحيط واكبر كتير
أصل الغرام احساس جميل
مالوهش زي ولا مثيل
شوف كم ملك أمير وشاه
ساب القصور عشان هواه
حبي اليك يا عم شديد
بس الغرور خلاك عنيد
رغم البعاد رغم النوى
صنت الوداد صنت الهوى
يا عم ليه قاسي كده
هو الغرام بالشكل ده
حتى الغرور ده له حدود
والكبر والعند والصدود
يا عم انا بعشق هواك
بعشق بهاك بعشق لقاك
بس الزمان حيضيع قوام
من غير حنان والله حرام
خدني الكلام
خدني الكلام عند الغمام
قلت الغرام دنية ورود
بس الغرام طلع كلام
كدب وخداع من غير حدود
ليه خدتني وعشمتني
وقلت لي حبك هنا
ليه خنتني وليه سيبتني
من غير هواك وحدي هنا
قلت الوداد بينا أكيد
حيكون شديد مهما حصل
قلت الفؤاد حيكون سعيد
والسعد راح يصبح مثل
قلت الحبيب حيكون نصيب
من غير ملاوعه أو خداع
بس الغريب حتى العجيب
ده راح وسابني للضياع
هو الغرام كله كده
هو الغرام شيء مستحيل
ولا الغرام من ده وده
رغم العذاب والشوق جميل
فريده
والنبي يا فريده في بهاكي فريده
انما يا فريده في حماكي وحيده
ليه كده يا فريده ليه كده يا صبيه
ياما كنت سعيده ياما كنت هنيه
يا فريده ده نورك في الدنيا مافيش زيه
ده القمر بحضورك
يا ترى ايه جرى لك في ليالي عديده
يا ترىىايه حصل لك وخلامكي شريده
يا فريده ضياءك في سماكي بلالي
ده القمر لوصالك بعد ما خلص ضيه
يا فريده وفاءك ده كان أحلى خصالك
انما بجفاءك حرمتينا وصالك
يا فريده الضحكايه على ثغرك بترفرف
وتمللي النسمايه على شعرك بتهفهف
ايه اللي شغل بالك وسهر عيونك
ايه اللي قلب حالك وقاد لك نار ظنونك
دي القلوب بغرامك وهيامك سرحانه
والعيون لكلامك وملامك سهرانه
يا فريده خيالك
ايه في خيالك يا فريده
فين بتسرح بس عينيكي
ده انت من ايام عديده
والضياع باين عليكي
ما دام هواك
ما دام هواك نار يا جميل
حتزيد قساك كمان بأيه
وان كان رضاك شيئ مستحيل
ححتاج لقاك يا عم ليه
حتقول لي ايه بعد الغياب
بعد الصدود بعد الضياع
حتعيد لي ايه بعد العذاب
بعد الجحود بعد الخداع
أصل الغرام يا عم وفاق
واصل الهيام ود وانسجام
لا بالملام ولا الخناق
ولا الكلام ولا الخصام
لو كان هواك فعلا صحيح
كان قلبي داق طعم الحنان
لو كان لغاك أصلا صريح
كان من زمان حس بأمان
يا عم ايه خلاك تكون
قاسي وعنيد بالشكل ده
يا عم ليه وياك أهون
هو الغرام عندك كده
ملّيت
بهواك سنين بس العناد
خلى الفؤاد مل السهاد
بهواك سنين بس البعاد
خلى الوداد بعدك رماد
مليت خلاص م الأنتظار
من غير جواب أو اعتذار
ده الليل معاك أصبح نهار
والحزن صار ليه مزار
ما قدرش اكون كبش الفدا
ما قدرش اعيش بالشكل ده
هو الغرام لسه ابتدا
عشان قوام بينا انقضى
سنين ونا بحلم يسود
بينا الوفاق زي الوعود
سنين ونا بحلم يعود
بينا الغرام من غير حدود
ان كنت ناوي ع الفراق
قول لي بقه من غير خناق
وان كنت ناوي ع الوفاق
قول لي كده من غير نفاق
يا عمّ روح
يا عم روح سيبني في حالي
مش ده الغرام اللي في بالي
يا تحب بجد حب حقيقي
يا تبتعد عن طريقي
ده الكون بحاله يا عينيه
في كفه والحب في التانيه
بحلم بحب يا عينيه كبير
حب القصص والأساطير
ان كنت مش قده صارح
عشان فتورك ده جارح
ده الحب عندي نار قايده
مش ميه جامده أو بارده
فكر بقه وشوف لك أي حل
عشان خلاص فؤادي مل
ان قلت لك حاجه بتنسى
وان ملت لك برضه بتقسى
لو خاب
لو خاب رجاءك في الحبيب
اللي افتكرته لك نصيب
لو داب فؤادك م الصدود
وضاع ودادك م الجحود
اللازمه
اسمع كلام أهل الهوى
صبر الفؤاد أحسن دوى
فيه الشفا فيه النجاه
من نار جفاه ونار هواه
لو طال حنين قلبك سنين
وليل سهادك زاد أنين
لا اللوم حينفع والعتاب
لو الحبيب عاشق الغياب
اللازمه
لو كان حبيبك والزمان
لتنين عليك نازلين هوان
لو خدت هجر وديت حنان
وشفت غدر وديت أمان
اللازمه
لو عشت طول عمرك أمين
والحب جواك كان متين
لو كنت عاشق والحنين
خلاك تبات الليل حزين
اللازمه
وصف الحبيب
يا ناس حبيبي مستحيل حد يوصفه
أحلى الكلام لو كان جميل لا ينصفه
لكن ححاول باجتهادي ارسمه
عشان تشوفوا ليه فؤادي مغرمه
يا ناس جماله في الزمن ده شيء عجيب
حتى القمر غار واستحى ومش غريب
هو الغرام هو الهيام هو النصيب
مهما حصل مهما جرى هو الحبيب
يا ناس حبيبي في الحقيقه والخيال
رمز المحبه والوداد رمز الجمال
يا ناس ظريف طبعه ولطيف عند الوصال
حتى الزعل زي العسل وقت الدلال
يا ناس عفيف حبه وشريف ومن زمان
لا نار عذاب ولا عتاب فيه أو هوان
حتى المكان قبل الزمان أصبح أمان
والناس كمان غمر قلوبها بالحنان
يا بتاع الغرام
يا عم يا بتاع الغرام
يا اللي الغرام عندك كلام
فكرك بكلمه أو سلام
حتنول قوام مني المرام
خليك صريح قوي وجد
وانسى الغزل لو حتى شهد
عشان أنا مش أي حد
تقدر عليه دون أي جهد
يا عم لو كنت الأمير
وكنت انا انسان فقير
ما تفتكرش في القصور
بس السعاده والسرور
يا عم لو كنت الكبير
ولك نفوذ ع الناس كتير
ما تفتكرش بالحرير
حتخلي قلبي لك أسير
يا عم لو كنت الجمال
وكنت صاحب جاه ومال
ما لكش أي حق بالوصال
غير بالتفاهم والحلال
No comments:
Post a Comment