ثلج ومطر
ثلج ومطر من غير قمر
والليل نشر ع الكون ضجر
والشوق عذاب من غير أنيس
حتى الكتاب مش ده الجليس
من غير لقاك من غير هواك
والله الحياه غربه وهلاك
هو السمك خارج المياه
يقدر يعيش أو له حياه
بره الظلام جوه السكون
والقلب غارق في الشجون
حتى المنام جفا العيون
م الفكر والشوق والظنون
سهران وحيد من غير حنان
حيران شريد من غير أمان
وسط الجراح وسط الحريق
صوت الرياح وحده الصديق
نفسي أنام بس الأنين
شق السكون م الشوق سنين
وازاي حنام والليل رهيب
من غير حبيب جمبي وقريب
قصة حبي
يا حبيبي قصة حبي
دي من ربي قسمة قلبي
كلها أنغام ورديه
كلها أحلام فضيه
انما محتاجه لدنيا
من كده أكبر بشويه
يا حبيبي حبك جارف
وهيامك دايما عاصف
وسعادتي بيك وبيه
يا حبيبي ميه الميه
انما محتاجه لدنيا
من كده أكبر بشويه
يا حبيبي حبك غنوه
ألحانها جميله وحلوه
وكلامها الصادق ليه
مكتوب بحروف ذهبيه
انما محتاجه لدنيا
من كده أكبر بشويه
يا حبيبي حبك جنه
وحدايق ورد وحنه
وروايح رايحه وجايه
ونسايم هاله عليه
انما محتاجه لدنيا
من كده أكبر بشويه
يا حبيبي حبك خلى
الكون والدنيا دي أحلى
ده انت يا عينيه عطيه
م السما جاتني وهديه
انما محتاجه لدنيا
من كده أكبر بشويه
غرام كلام
يا حبيبي من غير هواك
ولا لقاك عيشتي هلاك
بس برضه رغم جفاك
لسه قلبي وروحي فداك
انما ليه حلفت زمان
راح تكون أيامنا أمان
وعشان ايه قلت كمان
مستحيل يبعدنا مكان
يعني ايه ما كانش غرام
ولا ده كان كله كلام
يعني ايه ما كانش هيام
ولا ده بان كدبه قوام
ليه كده أصبحت غريب
عن عينيك يا أغلى حبيب
ليه بقى ما عادش نصيب
يا حبيبي والله عجيب
يا حبيبي هواك عسل
كان معايا وراح مثل
بس ليه وازاي ده وصل
للفراق ايه يعني حصل
صارح
يا عم صارح بحبك
واشرح طبيعة خواطرك
يا عم حاول بقلبك
تعرف حقيقة مشاعرك
ليه بس خايف تصارح
باللي انت كاتمه يا عمري
ليه بس خايف تفاتح
هو الزمن لسه بدري
يا عم صمتك ده أثر
على وجودي وحياتي
يا عم بالعقل فكر
وارحم سهادي وآهاتي
لو كنت مغرم وعاشق
ما كانش قلبك سلاني
لو كنت مرهف وصادق
ما كانش حبك ضناني
يا نور عيوني الليالي
كالموج بتجري وتجري
ونا الحقيقه في خيالي
وفي قلبي حبك بيسري
حبيت هواك
حبيت هواك من غير كسوف
من غير هواجس أو ظنون
حبيت وقلبي بيك شغوف
حبيت وحبي لك جنون
حبيت هواك والحب حق
لكل انسان في الوجود
شرطي الوحيد اخلاص وصدق
مدى الحياه ومن غير حدود
في كل ثانيه يا جميل
قلبي معاك روحي معاك
وفي كل ناحيه مستحيل
أقدر أعيش الا بهواك
وياك أنا بنسى الزمان
بنسى العذاب بنسى الألم
وياك هنا عمري بأمان
من كل خوف أو يوم ندم
الله عليك يا أحلى حب
يا اللي اليك قلبي اهتدى
الله عليك يا أوفى قلب
يا اللي في حماك عمري ابتدا
مغرور
سنين ونا عاشق هواك
عاشق جمالك وبهاك
بس الغرور خلاك أسير
للشك بالحب الكبير
والله حرام ويا الجراح
أسهر وبات حتى الصباح
والله حرام في الليل أكون
رهن الهواجس والشجون
والله حرام من غير نصير
أمشي واسير دربي العسير
من غير أمل ليه برضاك
من غير نصيب الا بجفاك
يا نور عيوني ليه كده
هو الغرور بالشكل ده
ده القلب داب والهجر طال
حتى الوصال أصبح محال
يرضيك عذاب قلبي الحزين
يرضيك ضياع حب السنين
والله عجيب ذنبي الوحيد
ويا الحبيب حبي الشديد
ازاي حقابلك يوم ونول
وصلك وجمبك ميت عذول
وازاي حبادلك يوم هواك
والقلب محروم من لقاك
خلاص
يا اللي قتلت فيه الغرام
بالهجر والصد والخصام
يا اللي زرعت فيه الجراح
بالغدر السهد للصباح
خلا ص بقى مليت جفاك
مليت غرامك وهواك
خلاص بقى حرم وتاب
قلبي اللي من أشواقه داب
أحلى زمان عشناه سوى
واحلى حنان واحلى هوى
ليه كل ده يا عمري راح
ويا الهوا ويا الرياح
هو الحبيب ينسى الوداد
هو الوداد يصبح رماد
بس الغرور خلاك كده
قاسي وعنيد بالشكل ده
زعلان قوي وغاوي الغضب
تقلان قوي ومن غير سبب
عملت ايه حتى الضنا
والحزن حظي كم سنه
ليلة مبارح
ليلة مبارح ع سطح البيت
والناس سهرانه ومرتاحه
كان بينا كلام بس يا ريت
قلناه يا حبيبي بالراحه
همس العذال وملامهم
غمز الحساد وكلامهم
خلونا لا قادرين نتكلم
ولا حتى بعينينا نسلم
مالكو انتو يا ناس بس ومالنا
ليه بقى شاغلين بالكو وبالنا
أيام وسنين وحنا في حالنا
لا روحنا لحد ولا حد جالنا
حتحسوا بايه يا ناس بكره
لو شافكو عذول وغار منكو
حتحسوا بايه ده لو مره
سمعكو حسود وقال عنكو
يا ريت يا عاذل تتعلم
بدل ما تقول وتتكلم
يا ريت يا حاسد تتندم
بدل ما تعيد وتتألم
بحبك
بحبك حبيبي بحبك لأنك
هوايا ونصيبي جمالك وحسنك
بحب فيك صفاءك بحب فيك وفاءك
بحب فيك اباءك ونار كبرياءك
بحب فيك حنانك وطيبة فؤادك
وبشكر زمانك ع بهجة ودادك
بحب فيك دلالك وروعة غرامك
وبعشق وصالك ولوعة هيامك
بحبك ولطفك أسرني يا غالي
بحبك وظرفك سحرني ليالي
بحبك وحبك قدر وانقسم لي
قدر يا حبيبي رجع وابتسم لي
بحبك ومنك خيالي وفكري
وعنك كلامي ونثري وشعري
بحبك وروحي فداك يا حياتي
يا بلسم جروحي ودمعي وآهاتي
والله حرام
والله حرام تفوت قوام
من غير كلام أو قول سلام
والله حرام تنسى الغرام
بعد الموده والوئام
والله حرام تروح بعيد
والهجر نار والشوق شديد
والله حرام أعيش شريد
في الكون وبات الليل وحيد
معقول كده من غير ندم
تمشي وما تحس بألم
والله الحياه بعدك عدم
بس الفؤاد جواه كتم
ليه يا حبيبي ان جيت اليك
فوق للفضا بصت عينيك
وان يوم كمان عديت عليك
بلقى العواذل بين ايديك
ارحم بقى قلبي انكوى
من نار حنيني والجوى
ارجع بقى قبل الهوى
ما يطير سدى ويا الهوا
هشكي لمين
يا اللي هجرت من غير سبب
من غير ملامه أو عتب
حشكي السهاد حشكي البعاد
بس للأله رب العباد
حشكي لمين غير للأله
هو السميع ما لناش سواه
هو الرحيم هو الحليم
هو الكريم هو العليم
طول ما انت متناسي الغرام
والحب والشوق والهيام
مش راح يأثر فيك عتاب
مهما الغياب طال والعذاب
عندك خلاص ما عادش فرق
بين حب وغدر بين كدب وصدق
حتى الحنان بتاع زمان
أصبح خداع غش وهوان
صابر أنا رغم الحنين
رغم الضنا رغم الأنين
بس الدموع سالت لفوق
من كتر ما في القلب شوق
يرضيك أصون عهد الهوى
وتخون فؤادي اللي انكوى
يرضيك أكون عنك غريب
وقت العذول منك قريب
لمّا الغرام
لمّا الغرام عندك كلام
يا دوب تسالي والسلام
لأ مستحيل أعشق وميل
مهما الكلام ده كان جميل
مقدرش احب يا عم كده
مقدرش اميل بالشكل ده
أصل الفؤاد زي الشجر
محتاج غرام زي المطر
يا عم أنا مش أي حد
تقدر عليه دون أي جهد
عندي الغرام أجمل شعور
من غير فتور ولا نفور
يا عم أنا نفسي بجد
أعشق وحب ولأقصى حد
نفسي بغرام ما لوش مثيل
نفسي بهيام ما لهومش بديل
يا عم ليه حبك عذاب
ده العمر ولى والشباب
يا عم ايه خلى الهوى
عندك أماني في الهوا
يا عم أنا محتاج لمين
حبه متين قلبه أمين
محتاج لمين عنده وفا
مش بس هجران وجفا
وحياة غرامك
وحياة غرامك يا عينيه
لا لون ولا طعم للدنيا
الا بهواك ووصالك
ونور بهاك وجمالك
ده انت القمر في الليالي
وسط النجوم في الأعالي
وانت النسيم في العصريه
وانت النديم للصبحيه
وحياة عيونك الهاديه
وورود خدودك الناديه
حصون غرامك وحبك
في بعد عنك وقربك
وحياة جمالك عيوني
عاشقاك ورايداك جنوني
يا ربي سبحانك صونه
مغرم صبابه بعيونه
وحياة غلاوتك زماني
من يوم ما حبك سباني
نور وفتح بوجودك
زي الورود ال-ع-خدودك
وحياة حلاوتك يا قلبي
حسقيك تمللي كاس حبي
حسقيك بأيدي السعاده
وكل مادا بزياده
لو حقيقي
يا حبيبي زاد عذابي
طول بعادك وغيابك
يا حبيبي ضاع شبابي
من عنادك وعتابك
لو حقيقي كنت عاشق
كان فؤادك حس بيه
لو غرامك جد وصادق
كان ودادك بس ليه
يا حبيبي امسح دموعي
والعذاب اللي في ضلوعي
يا حبيبي ارحم خضوعي
والهوان اللي في خنوعي
ليه المكابره والملاوعه
بعد ما اتمنيت هوايا
ليه المخاصمه والممانعه
بعد ما اترجيت رضايا
يا حبيبي النوم جفاني
والسهاد سهر عينيه
والحنين بالنار كواني
والبعاد طول عليه
ليه بتتقل ليه بتبخل
بابتسامه أو بنظره
ليه بتغضب ليه بتزعل
عمره قصر قلبي مره
التلفون
مع كل رنة تلفون
بقلب وشي بكذا لون
وان طلعته من الصالون
من الله بحتاج العون
بخده بعيد عشان شايف
نظرات العالم صوبي
بحكي بهمس عشان خايف
هالعالم تسمع قلبي
يا روح قلبي ليل ونهار
بستنى الرنه ع نار
بسأل عنك أهل الدار
واهل الحاره لعاشر جار
وحياتك مع كل رنه
بفرح برقص وبغني
حتى الناس لقراب مني
عم بتحاكوا كتير عني
لو تبعت لي رساله
في الساعه راح أتألم
والحاله تبقى حاله
فيها الأشيا تتأزم
لو مر يوم ما تحاكينا
من عمري ضاع كل اليوم
لو فات يوم ما تناجينا
من عيني راح طعم النوم
ألوان
أخضر لقاك أحمر هواك
اسود جفاك أبيض صفاك
ده في كل حاله وكل مجال
ألوان هواك عدوا الخيال
عند اللقا عند الوصال
ألوان هواك آخر جمال
حتى الزعل أكبر زعل
ننساه قوام عند الغزل
القد بان عوده نما
والعين كمان بحر وسما
والخد أبيض ياسمين
والشعر أسود ع الجبين
الوش بدر والعطر ورد
والشفه زهر والبسمه شهد
السنه لولي والكلام
سكر نبات على الدوام
كل مرّه
كل مره بتلمح في عيوني
نظرات الحب الجنوني
بظلك ماشي ومش خايف
وبتعمل نفسك مش شايف
بظلك ماشي ومتجاهل
فكرك هالنسيان بالساهل
بظلك ماشي ومش قايل
كيف حالك حتى ومش سائل
شو السيره يا قلبي الحاير
في الدنيه شو هاللي صاير
تراح الحب والأخلاص
وضاع الود والأحساس
يا روح قلبي مش حتلاقي
زيي في حبي واشتياقي
علشان قلبي دايما عاشق
دايما مخلص دايما صادق
كيف ممكن تسمع أنيني
من غير ما تحس بحنيني
كيف ممكن ترضى بلهيبي
من غير ما يهزك نحيبي
لو ماشي ومش راجع تاني
والهجران نساك زماني
راح تفضل حبي وغرامي
راح تفضل عشقي وهيامي
No comments:
Post a Comment